Cuestionario Proust: Francisco Castro, escritor e director da editorial Galaxia

Escritor e director xeral de Editorial Galaxia dende decembro de 2016, Francisco Castro conta cunha gran cantidade de libros publicados tanto para público adulto como infantil e xuvenil, entre os que destacan títulos como Chamádeme Simbad, Amor é unha palabra coma outra calquera, Tes ata as dez, Xeración perdida, Tantos anos de silencio e, recentemente, O cemiterio de barcos.

Antes de incorporarse á editorial no ano 2008, exerceu como profesor de Filosofía durante 18 anos en Secundaria, compaxinando este labor coa xestión cultural a distintos niveis, tanto na organización de Ciclos de Conferencias para distintas entidades públicas e privadas.

Coñecémolo mellor neste Cuestionario Proust:

  1. O principal trazo do teu carácter? A constancia.
  2. Que calidade aprecias máis nun home? A sensibilidade.
  3. E nunha muller? A intelixencia.
  4. Que agardas das túas amizades? Amor.
  5. O teu principal defecto? Tendo a afogar, ás veces, en vasos de auga.
  6. A túa ocupación favorita? Facer música.
  7. O teu ideal de felicidade? Estar coa miña xente tirado no chan mentres arde a leña na cheminea.
  8. Cal sería a túa maior desgraza? Que os que me queren deixen de quererme.
  9. Que che gustaría ser? Un dos membros dos Beatles.
  10. En que país desexarías vivir? Onde vivo. En Vigo, en Galicia.
  11. A túa cor favorita? O negro, coma Johnny Cash.
  12. A flor que máis che gusta? As orquídeas.
  13. Que paxaro prefires? As rolas. Lémbranme á infancia.
  14. Os teus autores/as favoritos en prosa? Borges, Philip Roth.
  15. E poetas? Borges. O Celso Emilio de amor, máis que o cívico. Walt Whitman.
  16. Un heroe de ficción? Non teño.
  17. Una heroína? Non teño.
  18. O teu músico ou música favorito/a? Claramente, os Beatles.
  19. O teu pintor ou pintora preferido/a? Salvador Dalí.
  20. O teu heroe ou heroína na vida real? O meu pai.
  21. O teu nome favorito? Naia.
  22. Que hábito alleo non soportas? O hábito de moita xente de conducir poñéndonos en perigo aos que conducimos ben.
  23. Que é o que máis detestas? A deslealdade.
  24. Unha figura histórica que che poña mal corpo? Santiago Abascal.
  25. Un feito histórico que admires? A revolución cultural xuvenil dos anos 60 do século pasado.
  26. Que virtude desexarías posuír? A tranquilidade.
  27. Como che gustaría morrer? Coa cabeza no meu sitio e de súpeto, sen enterarme.
  28. Cal é o estado máis común do teu ánimo? Optimista.
  29. Que defectos che inspiran maior indulxencia? A falta de atención.
  30. Tes unha máxima ou lema de vida? Si: relativiza. Mañá sae o sol de novo.

Escrito por

Graduada en periodismo y enamorada de la lectura y la cultura. Porque leer nos hace mejores personas.

Si te ha gustado este artículo y quieres dejar tu opinión, encantada de leerte!

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Salir /  Cambiar )

Google photo

Estás comentando usando tu cuenta de Google. Salir /  Cambiar )

Imagen de Twitter

Estás comentando usando tu cuenta de Twitter. Salir /  Cambiar )

Foto de Facebook

Estás comentando usando tu cuenta de Facebook. Salir /  Cambiar )

Conectando a %s

Este sitio usa Akismet para reducir el spam. Aprende cómo se procesan los datos de tus comentarios.