Xa con xuño enriba seguimos con esta viaxe que me leva polas miñas editoriais favoritas do mundo mundial. Hoxe preséntovos ás Irmás Cartoné, un proxecto fermosísimo creado por Celia Recarey e Carlos Valdés que nos traen clásicos da literatura universal ao galego. Das súas edicións destaca moito o coidado das portadas, con deseños que transmiten tranquilidade e beleza.
Neste espazo tiven a oportunidade de conversar con Celia Recarey, unha das impulsoras do proxecto e tamén tradutora, na que destacaba que «a nosa intención é crear un produto, ante todo, accesible e atractivo, que atraia tanto por dentro como por fóra, pero que non intimide, por así dicilo. Facer libros bonitos a 30 euros é unha cousa relativamente doada, facer libros bonitos por menos de 20 é bastante máis difícil, pero é algo que quixemos facer desde o principio, porque cremos que para o libro galego o primordial, a día de hoxe, é atopar lectores, e non cremos que iso se consiga facendo libro de “luxo”.
En Lecturafilia atoparedes recensións dalgúns títulos:
Canción de solpor, de Lewis Grassic Gibbon
David Golder, de Irène Némirovsky
Martin Eden, de Jack London
O inferno, de Henri Barbusse
Novela de xadrez, de Stefan Zweig
Lecturafilia 