Inma López Silva é unha das autoras galegas contemporáneas con maior proxección. Nacida en Santiago de Compostela en 1978, licenciouse e doutorouse en Filoloxía, e así mesmo é Diplomada en Estudos Teatrais pola Universidade da Sorbonne Nouvelle. Actualmente combina a actividade literaria coa docencia na Escola Superior de Arte Dramática de Galicia, onde ensina Teorías do Teatro e desde onde desenvolve unha intensa actividade crítica. Columnista en La Voz de Galicia, é autora dunha ampla obra literaria que foi recoñecida cos principais premios da literatura galega, e tamén traducida a outras linguas, como Memoria de cidades sen luz, Aqueles días en que eramos malas, O libro da filla, ou o ensaio feminista Chámame señora pero trátame coma a un señor.
Coñecémola un pouco máis neste Cuestionario Proust:
1. O principal trazo do teu carácter? A racionalidade.
2. Que calidade aprecias máis nun home? A intelixencia.
3. E nunha muller? A intelixencia.
4. Que agardas das túas amizades? Respecto aos meus espazos de privacidade e de liberdade.
5. O teu principal defecto? A impaciencia.
6. A túa ocupación favorita? Escribir, ler, pintar acuarelas.
7. O teu ideal de felicidade? Non ter que preocuparme por nada máis que polo presente.
8. Cal sería a túa maior desgraza? Perder as miñas fillas.
9. Que che gustaría ser? Cantante de ópera. Ou florista.
10. En que país desexarías vivir? En México.
11. A túa cor favorita? O verde.
12. A flor que máis che gusta? Os tulipáns.
13. Que paxaro prefires? O moucho.
14. Os teus autores/as favoritos en prosa? Flaubert, Emmanuel Carrère, Alice Munro, Paul Auster, Jonathan Franzen, Joan Didion, Elena Ferrante.
15. E poetas? Shakespeare, Olga Novo, Beaudelaire.
16. Un heroe de ficción? Indiana Jones.
17. Una heroína? Lady Macbeth.
18. O teu músico ou música favorito/a? Os Beatles.
19. O teu pintor ou pintora preferido/a? Chagall.
20. O teu heroe ou heroína na vida real? Rosa Parks.
21. O teu nome favorito? Sofía.
22. Que hábito alleo non soportas? A desorde.
23. Que é o que máis detestas? A soberbia.
24. Unha figura histórica que che poña mal corpo? O cardeal Richelieu.
25. Un feito histórico que admires? A Revolución Rusa.
26. Que virtude desexarías posuír? A temperanza.
27. Como che gustaría morrer? Extremadamente vella, consciente e feliz, mentres durmo.
28. Cal é o estado máis común do teu ánimo? Alegre alerta.
29. Que defectos che inspiran maior indulxencia? A impulsividade, o dramatismo, a impaciencia.
30. Tes unha máxima ou lema de vida? Teño varias pero destacaría dúas: Sapere aude e Carpe diem.
Fotografía autora: caricatura da autoría de Evaristo Pereira.
Lecturafilia 