Lara Dopazo Ruibal (Marín, 1985) é xornalista e especialista en programas de estudos en mancomún. A súa obra poética, recoñecida con galardóns como o GzCrea ou o Francisco Añón, concéntrase en Dende illa peixe, Ovella, e claus e o alacrán, títulos que amosan o seu interese por reconstruír os espazos cotiás a partir das exploracións íntimas, con versos que concentran na súa capacidade imaxinativa o potencial lírico. Influenciada polo feminismo como instrumento de prospección creativa e social, Lara Dopazo cultivou tamén a narrativa en Clementina, que lle valeu no ano 2015 o premio Nortear, e en O axolote, co que gañou o Premio Illa Nova no 2020. Recentemente, o seu poemario claus e o alacrán vén de ser publicado en Estados Unidos nunha tradución de Laura Cesarco Eglin.
1. O principal trazo do teu carácter? Certo tipo de curiosidade.
2. Que calidade aprecias máis nun home? A honestidade.
3. E nunha muller? A honestidade.
4. Que agardas das túas amizades? Que o sexan por moitos anos.
5. O teu principal defecto? A inquietude.
6. A túa ocupación favorita? Camiñar.
7. O teu ideal de felicidade? A tranquilidade.
8. Cal sería a túa maior desgraza? Ver sufrir á xente que me rodea.
9. Que che gustaría ser? Feliz, sexa o que sexa isto.
10. En que país desexarías vivir? No meu.
11. A túa cor favorita? O negro.
12. A flor que máis che gusta? A flor do magnolio.
13. Que paxaro prefires? O corvo.
14. Os teus autores/as favoritos en prosa? Valeria Luiselli, Manuel Darriba, Agota Kristof…
15. E poetas? Anne Carson, Inger Christensen, Lupe Gómez…
16. Un heroe de ficción? Obélix.
17. Unha heroína? Matilda.
18. O teu músico ou música favorito/a? Non creo que poida escoller!
19. O teu pintor ou pintora preferido/a? Tampouco sei escoller.
20. O teu heroe ou heroína na vida real? Case todas as persoas que me rodean son bastante heroicas.
21. O teu nome favorito? Non teño!
22. Que hábito alleo non soportas? A mentira.
23. Que é o que máis detestas? A inquina.
24. Unha figura histórica que che poña mal corpo? Calquera ditador.
25. Un feito histórico que admires? Calquera período, en calquera lugar, no que se traballe para construír a paz.
26. Que virtude desexarías posuír? A sabedoría.
27. Como che gustaría morrer? Sen sufrir.
28. Cal é o estado máis común do teu ánimo? Certo optimismo.
29. Que defectos che inspiran maior indulxencia? A inconstancia.
30. Tes unha máxima ou lema de vida? Malo será.
Foto da autora: David Espinho
Lecturafilia 