Da casa, do mar e das ausencias

De entre todos os xéneros literarios, quizais a poesía é o máis idóneo para ler no fogar. Veume á cabeza esta reflexión hai unhas semanas mentres lía Da casa, do mar e das ausencias, un poemario de María Carmen Caramés Gorgal que contén versos e ideas moi interesantes arredor do que simboliza o fogar, a familia e esas costumes que cada persoa mantén cando comparte tempo cos seus. O fogar é iso, definir os nosos espazos e saber gozar deles coas persoas que nos rodean.

Da casa, do mar e das ausencias, I Premio de Poesía do Concello de Ponteceso Eduardo Pondal, ten moito de fogar e do non fogar, dos momentos nos que se rompen esas rutinas para xerar outras novas. A memoria é, tamén, o construto a través do cal exercemos esa querenza polo que nos define, e este libro tampouco é alleo a ela.

O tempo da inocencia

sempre era urxente

e por veces salvaxe

porque as nais tecían madrugadas

mentres nos agardaban”.

Observamos nos versos anteriores unha reivindicación feminista, idea que pivota por toda a obra novelística e poética da autora. A loita por facer visibles ás mulleres que durante tanto tempo estiveron detrás dos homes e do que estes facían, mulleres que realizaban accións necesarias e prioritarias sen que a sociedade lles recoñecese nunca o seu lugar no espazo público. Este poemario, igual que acontecía en Dos días escuros, non é alleo á realidade social e constrúese como una forma de loitar contra a desmemoria. Intimamente relacionados co esquecemento están os versos que nos falan do mar e das súas ausencias, dos nomes gravados nas lousas dos cemiterios, e das persoas que estiveron e xa non están. Caramés Gorgal consegue, pois, falarnos da cotidianeidade dos fogares e do que ameaza con desaparecer para sempre. A poesía convértese así na mellor ferramenta de loita contra o esquecemento, en testemuña dun tempo.

Camiñamos arrimados ás beiras

como se o medio

nunca nos pertencese

malia que a miúdo soñabamos

con reclamar o centro

de todos os espazos,

o corazón de todas as cousas”.

Ficha técnica

Título: Da casa, do mar e das ausencias

Autora: María Carmen Caramés Gorgal

I Premio de Poesía do Concello de Ponteceso Eduardo Pondal

Editorial: Medulia

Ano de publicación: 2019

Número de páxinas: 47

Escrito por

Graduada en periodismo y enamorada de la lectura y la cultura. Porque leer nos hace mejores personas.

Si te ha gustado este artículo y quieres dejar tu opinión, encantada de leerte!

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google photo

Estás comentando usando tu cuenta de Google. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s

Este sitio usa Akismet para reducir el spam. Aprende cómo se procesan los datos de tus comentarios .