“Paleta Planeta”, de Yolanda Castaño e Xosé Tomás

O mundo que habitamos é realmente unha fonte continua de inspiración, e hai persoas que o collen para expresar sentimentos de múltiples formas. A poeta Yolanda Castaño e o artista Xosé Tomás volven confluír nun proxecto que toma o mundo na súa diversidade para contalo en poesía e ilustracións, unha idea sinxela mais que non por iso perde o sen encanto.

Paleta Planeta é un libro de sensacións grazas ao cal tanto as persoas adultas como as máis cativas tomaremos conciencia do mundo que habitamos e do necesario que é botar o freo e observar os detalles diarios, o fluír da propia natureza, dos montes habitados por seres grandiosos, e dos mares ateigados dunha auga que medra. A través da evocación de sentimentos tanxibles e intanxibles, Yolanda Castaño e Xosé Tomás convídannos a realizar un exercicio de toma de conciencia, expresado cando nos contan o que nos ofrece a natureza maxicamente e que nós, os seres humanos, destruímos coas nosas accións máis negativas. Isto está presente xa no primeiro texto:

“Un glaciar de calma está aboiando por entre as augas

e o ceo algo de nostalxia talvez quere amosar;

eu penso nos teus ollos que tanto boto de menos

mentres apoio a cabeza na man fronte á venta.

Primavera saudosa na paisaxe antártica,

casa azul dos meus recordos xunta o mar varada;

só revela un anaco do que podo sentir

o xeo que despunta a súa crista azulada”.

Pode dicirse, entón, que o libro contén dous niveis de lectura: dunha banda, esa parte máis sensorial que nos leva directamente aos sentimentos como a tenrura, a perda ou o amor; e doutra, ese lado comprometido co medio ambiente e co lugar que habitamos, un camiño que os autores xa percorreron con Sementes viaxeiras, outro libro publicado tamén en Baía Edicións e no que tamén se observan os  dous niveis e esta combinación máxica entre poesía e ilustracións. Atrévome a dicir que son estes os libros que necesitamos para a cativada, que nos fagan sentir e ao mesmo tempo nos fagan pensar, pero afastados de olladas moralizantes.

Ficha técnica

Título: Paleta Planeta

Texto: Yolanda Castaño

Ilustracións: Xosé Tomás

Editorial: Baía Edicións

Ano de publicación: 2021

Número de páxinas: 36

Escrito por

Graduada en periodismo y enamorada de la lectura y la cultura. Porque leer nos hace mejores personas.

Si te ha gustado este artículo y quieres dejar tu opinión, encantada de leerte!

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Salir /  Cambiar )

Google photo

Estás comentando usando tu cuenta de Google. Salir /  Cambiar )

Imagen de Twitter

Estás comentando usando tu cuenta de Twitter. Salir /  Cambiar )

Foto de Facebook

Estás comentando usando tu cuenta de Facebook. Salir /  Cambiar )

Conectando a %s

Este sitio usa Akismet para reducir el spam. Aprende cómo se procesan los datos de tus comentarios.