Libro de horas, de Rebeca Baceiredo

Rebeca Baceiredo, autora de 'Libro de horas'

Nestes días fragmentados, o pensamento tamén flúe entrecortado. Saturados de estímulos, non somos capaces moitas veces de concentrarnos, de ser produtivos, se é que iso é positivo. Reflexiono nesta idea ao rematar de ler o Libro de horas, un poemas intenso e con moitas reivindicacións de Rebeca Baceiredo. Sumérxome nel e atopo, xa ao inicio, uns versos que veñen acaídos a estes días e aos desexos que temos de sentir a liberdade:

“spleen

apenas atopo transos xa

preciso longas vacacións

de cruceiros.

contemplar a altura

dos simples edificios de sublimes

liñas brancas. A curta transcendencia

de Hopper.

preciso gozar

do estático aburrimento

de calquera tarde sen mundo

ao que apelar”

Tendo sempre a relacionar os libros co contexto no que chegan a min, e neste caso resulta moi proveitoso ler a Baceiredo xusto nos días estraños que habitamos. Neste sentido, Libro de horas lémbrame un pouco a esoutro que publicou a gran Nélida Piñón, escritora brasileira, no que condensaba as súas reflexións e vivencias. Salvando as diferenzas, estes dous libros poderían lerse case xuntos, aínda que un sexa narrativa e outro poesía, pois recompilan o sentir da vida, evocan sensacións, colleitan momentos. Non sei por que, mais tamén atopo un certo parecido entre estes poemas e as fotografías de Henri Cartier-Bresson,quen defendía os ‘instantes decisivos’ para a captura de imaxes. E é que a vida está aí, tan só fai falla unha boa ollada, estar sempre atentos.

Este poemario incita á acción, e sobre todo reivindica a necesidade que temos de sentir o que pasa ao noso arredor: “cómpre erguerse axiña / e adorar o amencer / observa as formas / do símbolo /non as derivadas palabras”.

E, por último, creo que os versos da autora se poderían situar tamén nesa reflexión interna sobre o paso do tempo. Acaso se poden condensar as horas nun libro? Acaso a poesía detén o tempo imparable? Sigo reflexionando, pois a poesía ten múltiples lecturas e esta é a destes días.

Ficha técnica

Título: Libro de horas

Autora: Rebeca Baceiredo

Ano de publicación: 2019

Editorial: Urutau

Número de páxinas: 60

Escrito por

Graduada en periodismo y enamorada de la lectura y la cultura. Porque leer nos hace mejores personas.

Si te ha gustado este artículo y quieres dejar tu opinión, encantada de leerte!

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google photo

Estás comentando usando tu cuenta de Google. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s

Este sitio usa Akismet para reducir el spam. Aprende cómo se procesan los datos de tus comentarios .