Namoreime en Ons

“Resultábame imposible esquecer os ollos de Xoana, alegres, dispostos ao atrevemento. A actriz Audrey Hepburn fora o meu ideal de muller guapa. Xoana lembrábame a Audrey Hepburn, pero tiña unha chispa, unha presteza, unha réplica latente que eu non asociaba coa famosa artista”.

Staffan Mörling atopou nas Ons unha constante fonte de inspiración
Staffan Mörling atopou nas Ons unha constante fonte de inspiración

Así comeza a chispa do amor descrita polo sueco Staffan Mörling no seu libro Namoreime en Ons, traducido ao galego pola Editorial Cumio. Nel cóntanos a súa chegada a Galiza e, en concreto, o seu namoramento das illas Ons e de Xoana, esa rapaza que semella Audrey Hepburn.

Staffan Mörling é un sueco nado en 1936 en Karstad e que herdou do seu avó materno un grande interese polos temas históricos e, da nai, unha notable sensibilidade cara aos idiomas. Estudou Latín, Historia da Arte e Antropoloxía. Por este motivo acudiu a Galiza para documentar as embarcacións tradicionais. Todo comeza en Ons, onde coñece a dorna, esa pequena embarcación desta illa, cun vocablo que lle facía lembrar o antigo vocablo escandinavo “norna”, palabra que alude ás mulleres mitolóxicas que os viquingos se imaxinaban sentadas baixo unha árbore e dedicándose a ganduxar os destinos dos homes. 

Mörling namorouse das Ons e da súa muller, Xosefa Otero. En recoñecemento dos seus méritos como profesor de Idiomas da Escola Naval Militar de Marín, foi galardoado coa Cruz do Mérito Naval. Ademais, o Concello de Bueu nomeouno Fillo Adoptivo e deulle o seu nome a unha das súas rúas.

Nesta historia atopámonos cun mozo que describe o seu amor por unha terra, por unhas xentes, por unha forma de ser, por uns costumes e por unha muller. Namoreime en Ons é puro amor, pura descrición da maxia dos primeiros momentos dos amores, dese loitar por ser aceptado nunha sociedade que non é a túa. Mörling describe ese ‘tira e afrouxa’ para conquistar a Xoana, para conseguir que o amor triunfe. Este libro tamén deixa entrever o mundo dos anos 60 e a forma de ser dos habitantes das Ons, un mundo máxico e a miúdo supersticioso, onde destaca a unión das súas xentes, pero tamén o atraso noutras moitas cuestións.

Sen dúbida, esta historia transpira sentimentos, emoción, maxia, romanticismo e forza de vontade, ao tempo que vemos a memoria e os recordos máis tenros.

“Escuridade, silencio…, aínda non me descubrira ninguén. Sen o menor ruído, como un ser do ceo, aparecía Xoana diante de min. Axeonllábame ante ela, collíalle unha das súas mans e bicáballa coa mirada posta nos seus ollos escuros.

-Téñome que ir.

Desaparecía. Tres palabras entre catro ollos. Eu quedaba feliz para unha semana.”

Ficha técnica

9788482895086Título: Namoreime en Ons

Autor: staffan Mörling

Editorial: Cumio

Ano de publicación: 2015 (en galego)

Número de páxinas: 215

Escrito por

Graduada en periodismo y enamorada de la lectura y la cultura. Porque leer nos hace mejores personas.

Si te ha gustado este artículo y quieres dejar tu opinión, encantada de leerte!

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google+ photo

Estás comentando usando tu cuenta de Google+. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s

This site uses Akismet to reduce spam. Learn how your comment data is processed.