Susana Pedreira Buján é unha das voces da radio no país, e tamén unha lectora empedernida. Tras traballar en prensa institucional e empresarial, en 2010 incorporouse a Onda Cero Pontevedra, onde a escoitamos cada mañá na actualidade diaria. Pero amais deste oficio xornalístico que ela exerce con paixón, Susana ocupa moito do seu tempo na lectura, e ten entrevistado a moitos autores e autoras da Galiza e do conxunto de España.
Organiza xunto a Diana López o encontro feminista “As mulleres que opinan son perigosas”, que se celebrou en Pontevedra por primeira vez no 2018 e a través do cal se pon o foco na necesidade de contar con voces femininas na opinión.
Coñecémola mellor neste Cuestionario Proust:
1. O principal trazo do teu carácter? Constancia.
2. Que calidade aprecias máis nun home? Lealdade.
3. E nunha muller? Lealdade.
4. Que agardas das túas amizades? Coidados.
5. O teu principal defecto? Impaciencia.
6. A túa ocupación favorita? Facer e escoitar radio.
7. O teu ideal de felicidade? Tranquilidade e saúde.
8. Cal sería a túa maior desgraza? Perder aos meus.
9. Que che gustaría ser? O que son: xornalista.
10. En que país desexarías vivir? Onde vivo: en Galicia.
11. A túa cor favorita? Violeta.
12. A flor que máis che gusta? Tulipán.
13. Que paxaro prefires? Anduriña.
14. Os teus autores/as favoritos en prosa? Non teño favoritos… teño imprescindibles actuais aos que sempre leo: Rosa Montero, Erri de Luca, Maggie O´Farrel, Manuel Rivas, Juan Tallón, Berta Dávila.
15. E poetas? Dores Tembrás e Louise Glück.
16. Un heroe de ficción? Capitán Planeta.
17. Una heroína? Bunny Tsukino (Sailoor Moon).
18. O teu músico ou música favorito/a? Non podo escoller, vivo escoitando música as 24 h do día.
19. O teu pintor ou pintora preferido/a? Non teño favoritos, pero admiro a obra e a figura de Maruja Mallo.
20. O teu heroe ou heroína na vida real? Meus pais.
21. O teu nome favorito? Victoria, o da miña nai.
22. Que hábito alleo non soportas? Impuntualidade.
23. Que é o que máis detestas? A falsidade.
24. Unha figura histórica que che poña mal corpo? Calquera fascista.
25. Un feito histórico que admires? O movemento sufraxista, a súa loita e os seus logros.
26. Que virtude desexarías posuír? Fortaleza.
27. Como che gustaría morrer? A verdade é que non me gustaría morrer.
28. Cal é o estado máis común do teu ánimo? Alegre.
29. Que defectos che inspiran maior indulxencia? A impaciencia.
30. Tes unha máxima ou lema de vida? Nunca é demasiado.
Lecturafilia 