Mulleres bravas da nosa historia 5: Pepa a Loba

Mulleres bravas da nosa historia 5: Pepa a Loba

Na consecución da igualdade entre homes e mulleres o piar básico é a educación e o cambio desde abaixo, é dicir, coas novas xeracións do presente e do futuro. Nesta tarefa na que os centros educativos e as familias traballan man a man, xorden iniciativas moi interesantes que ofrecen a posibilidade de que as nenas e os nenos conten con espellos nos que mirarse. Publicacións como as das Mulleres Bravas da nosa historia, de Urco Editora, fan que os estereotipos e os roles de xénero vaian pouco a pouco erradicados e que se defenda a idea de que cadaquén debe ser quen queira ser, sen barreiras e sen distincións de xénero.

Pepa a Loba é a quinta proposta da colección de Mulleres Bravas e está escrita por Ledicia Costas coas fantásticas ilustracións de Eva Agra. Ao igual que nos anteriores títulos (Rosalía de Castro, María Victoria Moreno, Maruja Mallo e Xulia Mingullón), a idea é darnos a coñecer de xeito moi resumido e adaptado ás máis pequenas e pequenos a figura de Pepa a Loba, na que hai unha parte de realidade e outra de mito popular.

Chámome Xela e de maior non quero ser médica, nin tampouco enxeñeira nin avogada. Nin sequera pilota de avións, que é algo bastante atractivo para una nena. Nada diso. Eu de maior quero ser bandoleira, e punto. Xa o teño decidido e non penso mudar de opinión”.

Sen dúbida, o que máis valoro destas iniciativas é que están concibidas para cambiar o mundo desde a base, porque a gran revolución só será posible se modificamos os comportamentos machistas e inculcamos xa nas primeiras idades que ninguén debería renunciar aos seus soños por ser muller ou home. Temos que acadar, pois, que todos e todas contemos con espellos nos que vernos reflectidos. Por iso, benvidas sexan propostas como as de Urco, Lela Edicións, a colección feminismos de Galaxia, as Pioneiras de Xerais…

Estes libros son idóneos para traballar a igualdade nas aulas, pero tamén para que os adultos coñezamos a figuras que, por diversas cuestións, antes nos eran descoñecidas. Ademais a combinación entre texto e ilustracións fan deles unha marabillosa e necesaria obra de arte. Que outros títulos nos reservará Urco Editora nesta colección?

Ficha técnica

Título: Pepa a Loba (Mulleres Bravas da nosa historia 5)

Autora: Ledicia Costas

Ilustracións: Eva Agra

Editorial: Urco

Ano de publicación: 2018

Número de páxinas: 36

Escrito por

Graduada en periodismo y enamorada de la lectura y la cultura. Porque leer nos hace mejores personas.

Si te ha gustado este artículo y quieres dejar tu opinión, encantada de leerte!

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión /  Cambiar )

Google+ photo

Estás comentando usando tu cuenta de Google+. Cerrar sesión /  Cambiar )

Imagen de Twitter

Estás comentando usando tu cuenta de Twitter. Cerrar sesión /  Cambiar )

Foto de Facebook

Estás comentando usando tu cuenta de Facebook. Cerrar sesión /  Cambiar )

Conectando a %s

This site uses Akismet to reduce spam. Learn how your comment data is processed.