Buscar

Lecturafilia

"Leer es vivir dos veces"

Etiqueta

Cris Pavón

Entrevista Cris Pavón: “Xa abonda coa historia do amor romántico escravizante no que te tes que manter casta e pura”

Cris Pavón iníciase na literatura con "Sangue 12", unha novela sobre vampiros, tecnoloxía e feminismo
Cris Pavón iníciase na literatura con “Sangue 12”, unha novela sobre vampiros, tecnoloxía e feminismo

Cris Pavón escribiu unha historia de vampiros, feminismo, tecnoloxía, e a cabalo entre dous séculos. Sangue 12, publicado por Urco Editora xa fai uns anos, é un libro protagonizado por adolescentes pero que ben pode facer reflexionar a todo o lectorado que se achegue a el. Con este arranque no panorama literario galego, esta profesora de informática vén para quedarse, e así o demostrará coa segunda publicación, que sairá este outono e que se titula Limiar de conciencia.

Defensora dos dereitos das mulleres, confesa que aínda queda moito por camiñar, e que é necesario que vaiamos deixando a un lado a crenza no amor romántico, ese que escraviza ás persoas. Cun tratamento orixinal e atrevido, Sangue 12 era a novela que facía falta na nosa literatura contemporánea.

Pregunta (P): Como xorde unha historia de vampiros, tecnoloxía e feminismo?

Son temas cotiáns, mesmo o dos vampiros, que xa non son tan nocturnos como adoitaban.

Quería ir do século XIX ao XXI, da primeira Revolución industrial ao teléfono móbil. Unha vampira era alguén perfecto para percorrer ese período de dous séculos, e que amais, pola súa condición de muller, vai experimentar en primeira persoa do  feminino os usos da sociedade patriarcal.

Seguir leyendo “Entrevista Cris Pavón: “Xa abonda coa historia do amor romántico escravizante no que te tes que manter casta e pura””

“Sangue 12”, unha historia vampírica e feminista

Cris Pavón é autora de "Sangue 12"
Cris Pavón é autora de “Sangue 12”

Non hai nada máis atraínte para min que atoparme con historias que se presentan como raras, xa que iso simboliza que vou atopar algo diferente e case sempre, unha forma de literatura novidosa.  A orixinalidade no tema e no seu tratamento é a característica que máis destaca en Sangue 12, novela coa que a coruñesa Cris Pavón se inicia na literatura.

Nesta novela mestúrase o real co onírico e os séculos XIX e XXI, onde se nos conta unha historia vampírica que non é a mítica de Crepúsculo, senón que nos leva á reflexión sobre a propia identidade.

Nela atopamos a unha rapaza adolescente, sempre pendente do móbil, que se atopa un día con outra moza de aspecto estraño e anacrónico nun autobús nun día rutineiro. Cunha narración en primeira persoa, irémonos somerxendo nos pensamentos máis íntimos desta moza que busca a súa forma de ser nun mundo tan complexo coma o de hoxe en día. Mais, a aparente calma que ela vive co seu teléfono virase interrompida pola adrenalina que lle produce estar preto da rapaza misteriosa do autobús. E, pouco a pouco, iremos coñecendo unha historia de trazos vampíricos, pero cun ingrediente orixinal: a presenza da reflexión sobre o papel de ser muller en dous tempos diferentes, o mundo da tecnoloxía e a eclosión da soidade, e mesmo as desvantaxes de medrar e deixar a infancia atrás. Seguir leyendo ““Sangue 12”, unha historia vampírica e feminista”

Blog de WordPress.com.

Subir ↑