Paula Carballeira (Fene, A Coruña), é escritora e actriz. Licenciada en Filoloxía Hispánica, realizou un curso de Posgrao en Arte Dramática na Universidade de Santiago de Compostela. Pertence á compañía de teatro Berrobambán e participou como directora, actriz ou guionista en múltiples montaxes tanto no teatro como na televisión. Herdeira dunha gran tradición popular, Carballeira é unha gran contadora de historias, e as súas ‘contadas’ son famosas por ser quen de atrapar tanto a maiores como a pequenos.
Paula Carballeira gañou o Premio Nacional de Literatura Dramática 2023 coa súa obra As alumnas na que reivindica a memoria das mestras a través da vida de María Barbeito, abrindo un debate sobre a educación transformadora e de liberdade tal e como propoñía a II República.
1. O principal trazo do teu carácter? A perseveranza.
2. Que calidade aprecias máis nun home? O sentido do humor.
3. E nunha muller? O sentido do humor.
4. Que agardas das túas amizades? Que me queiran.
5. O teu principal defecto? A susceptibilidade.
6. A túa ocupación favorita? Escribir.
7. O teu ideal de felicidade? Vivir sen preocuparme de máis.
8. Cal sería a túa maior desgraza? Esquecer.
9. Que che gustaría ser? O que son, que me levou toda a vida conseguilo.
10. En que país desexarías vivir? Neste… por agora.
11. A túa cor favorita? Azul grisácea.
12. A flor que máis che gusta? A do xasmín.
13. Que paxaro prefires? O corvo.
14. Os teus autores/as favoritos en prosa? Xabier P. Docampo, Gloria Sánchez, Mia Couto, Michael Ende, Gianni Rodari, Astrid Lingren, Roald Dahl, Shirley Jackson, Fred Vargas, Ambrose Pierce…
15. E poetas? Wislawa Szymborska, Sylvia Plath,Jacques Prévert, Anna Akhmátova, Álvaro de Campos…
16. Un heroe de ficción? Sherlock Holmes.
17. Una heroína? Momo (a de Michael Ende).
18. O teu músico ou música favorito/a? Béla Bártok.
19. O teu pintor ou pintora preferido/a? Munch, Maruja Mallo.
20. O teu heroe ou heroína na vida real? Pitusa Arias.
21. O teu nome favorito? Xiana.
22. Que hábito alleo non soportas? A falsidade.
23. Que é o que máis detestas? A intolerancia.
24. Unha figura histórica que che poña mal corpo? Francisco Franco.
25. Un feito histórico que admires? A revolución feminista.
26. Que virtude desexarías posuír? A temperanza.
27. Como che gustaría morrer? Soñando.
28. Cal é o estado máis común do teu ánimo? A dúbida.
29. Que defectos che inspiran maior indulxencia? Os que non demostran faltan de respecto.
30. Tes unha máxima ou lema de vida? Non o teño pensado, a verdade. Dubidaría moito cal escoller.
Foto autora: Eva Balcells
Descubre más desde Lecturafilia
Suscríbete y recibe las últimas entradas en tu correo electrónico.
Lecturafilia 